អំពីវិទ្យាស្ថាន
វិទ្យាស្ថានសភាកម្ពុជា (វ.ស.ក) បានបង្កើតឡើងនៅឆ្នាំ ២០១១ តាមសំណើររបស់សមាជិកសភាកម្ពុជានិងអគ្គលេខាធិការដ្ឋាន សភា ។ វិទ្យាស្ថានមានអណត្តិពីរសំខាន់ៗ៖
• រួមចំណែកដល់ការពង្រឹងសភាកម្ពុជាតាមរយៈការកសាងសមត្ថភាពសមាជិកនិងមន្ត្រីសភា និង
• ចែករំលែកបទពិសោធន៍របស់ខ្លួនជាមួយមួយដៃគូឯទៀត និងសភាក្នុងតំបន់និងអន្តរជាតិ
វិទ្យាស្ថានសភាកម្ពុជា (វ.ស.ក) គឺជាស្ថាប័នដំណើរការនិងការគ្រប់គ្រងថវិកាដោយឯករាជ្យ ហើយប្រកាន់ខ្ជាប់នូវ គោលការណ៍អព្យាក្រិតឥតលំអៀង និងឆ្លើយតបតាមតម្រូវការ ដែលអាចឲ្យសកម្មភាពនានារបស់វិទ្យាស្ថានស្របជាមួយ សកកម្មភាពរបស់សភា ។ សកម្មភាពស្នូលរបស់វិទ្យាស្ថាន គឺ ការកសាងសមត្ថភាព ដែលរួមទាំងវគ្គបណ្តុះបណ្តាលខ្លី ហើយសេវាផ្សេងៗដូចជា សិក្ខាសាលា និងកម្មសិក្សាការី ក៏ដូចជាសកម្មភាពគាំទ្រទំនាក់ទំនងសភាជាមួយម្ចាស់ឆ្នោត
ដូចជា កិច្ចពិគ្រោះយោបល់ជាមួយអ្នកជំនាញ កិច្ចពិគ្រោះយោបល់សាធារណៈ បេសកកម្មស្វែងយល់ និងទស្សនកិច្ចសិក្សា ក្នុងនិងក្រៅប្រទេសជាដើម ។
សិក្ខាសាលាស្រាវជ្រាវសភាថ្នាក់តំបន់
ទិដ្ឋភាពទូទៅនៃគោលដៅអភិវឌ្ឍន៍ប្រកបដោយចីរភាពទី៥ ការសម្រេចបាននូវសមភាពយេនឌ័រ និងការផ្ដល់អំណាចដល់ស្រ្តីនិងនារីនៅប្រទេសកម្ពុជា ឡាវ មីយ៉ាន់ម៉ា និងថៃ៖ សិក្ខាសាលាស្រាវជ្រាវសភាថ្នាក់តំបន់លើកទី៥នេះ បានប្រព្រឹត្តិទៅនាថ្ងៃទី ១៧ឆ្នូ ឆ្នាំ២០១៨ នៅទីក្រុងភ្នំពេញ។ ព្រឹត្តិការណ៍នេះសហការរៀបចំឡើងដោយវិទ្យាស្ថានសភាកម្ពុជា (វ.ស.ក) និងអគ្គលេខាធិការដ្ឋាននៃព្រឹទ្ធសភា។
វ.ស.ក រៀបចំសិក្ខាសាលាបណ្តុះបណ្តាលស្តីពីការទទួលខុសត្រូវ របស់សភា៖ ការពង្រឹងស្ថាប័ន
វិទ្យាស្ថានសភាកម្ពុជា (វ.ស.ក) ដោយសហការជាមួយសភានៃព្រះរាជាណាចក្រកម្ពុជា បានរៀបចំសិក្ខាសាលា បណ្តុះបណ្តាលមួយ ដែលមានរយៈពេលមួយសប្តាហ៍ ស្ដីពី “ទិដ្ឋភាពទូទៅនៃការទទួលខុសត្រូវរបស់សភា៖ ការពង្រឹងស្ថាប័ន” ដោយមានអ្នកចូលរួមប្រហែល ៨០ នាក់។ សិក្ខាសាលាបណ្តុះបណ្តាលនេះត្រូវបានបែងចែក ជាពីរវគ្គ៖ វគ្គទី១ ធ្វើនៅរាជធានីភ្នំពេញចាប់ពីថ្ងៃទី ១ ដល់ថ្ងៃទី ៥ ខែតុលា ឆ្នាំ ២០១៨ ខណៈដែលវគ្គទី២ គ្រោងរៀបចំនៅខែធ្នូឆ្នាំ ២០១៨ នៅខេត្តសៀមរាប។
សិក្ខាសាលាបណ្តុះបណ្តាលស្តីពីទំនាក់ទំនងអន្តរជាតិ
វិទ្យាស្ថានសភាកម្ពុជា (វ.ស.ក) បានរៀបចំសិក្ខាសាលាបណ្តុះបណ្តាលស្តីពី ការទំនាក់ទំនងអន្តរជាតិ ចាប់ពីថ្ងៃទី ៣ ដល់ថ្ងៃទី ៧ ខែកញ្ញា។ អ្នកចូលរួមមាន សមាជិកសភាចំនួន១១រូបមកពីព្រឹទ្ធសភានិងរដ្ឋសភា។ វគ្គបណ្តុះបណ្តាល រយៈពេល ៥ថ្ងៃនេះត្រូវបានធ្វើឡើងក្រោមកម្មវិធីបណ្ដុះបណ្ដាល ស្ដីពីការទូតសភា នៃ វ.ស.ក ដែលជាកម្មវិធីបណ្តុះបណ្តាលជំនាញមូលដ្ឋាន ដើម្បីពង្រឹងសមត្ថភាព បុគ្គលិកសភា។
អគ្គលេខាធិការនៃរដ្ឋសភានូវែលសេឡង់នឹងមកបំពេញទស្សនកិច្ចជាផ្លូវការនៅកម្ពុជា
ភ្នំពេញថ្ងៃទី ២១ ខែសីហា ឆ្នាំ ២០១៨៖ តាមការអញ្ជើញរបស់វិទ្យាស្ថានសភាកម្ពុជា លោក David Wilson អគ្គលេខាធិការនៃរដ្ឋសភានូវែលសេឡង់ នឹងចាប់ផ្តើម ថ្ងៃនេះ នូវដំណើរទស្សនកិច្ចផ្លូវការរយៈពេលបីថ្ងៃ ដើម្បីចែករំលែកចំណេះដឹង និង បទពិសោធន៍របស់លោកនៅក្នុង ផ្នែកផ្សេងៗនៃអ្នកទទួលខុសត្រូវរបស់សភា ជាមួយបុគ្គលិកសភាកម្ពុជាដែលមកពី អគ្គលេខាធិការដ្ឋាននៃសភាកម្ពុជា។